प्रकाशित मिति : शनिबार, अशोज १८, २०७६
काठमाडौं । काठमाडौंबाट सिराहा जादै गरेको बा ३ ख २३५९ नम्बरको मिनि बस काभ्रे र सिन्धुलीको सिमानामा दुर्घटना हुँदा ३ जनाको ज्यान गएको छ भने २५ जना घाइते भएका छन्।
सुनकोसी गाँउपालिका १ स्थित विपी राजमार्गको दुम्जामा उक्त मिनि बस दुर्घटना हुँदा तीन जनाको मृत्यु भएको जिल्ला प्रहरी कार्यालय सिन्धुलीले जनाएको छ।
सिन्धुली प्रहरीका अनुसार दुर्घटनामा परी घाइते भएका मध्ये ५ जनाको अवस्था गम्भीर रहेको छ। गम्भीर घाइते भएकालाई उपचारका लागि धुलिखेल पठाइएका प्रहरी कार्यलय सिन्धुलीले जनाएको छ।
मृतकको पहिचान हुन सकेको छैन। घटनाका पूर्ण विवरण आउन बाँकी छ।
© copyright 2016-2019 and all right reserved to jaljalakhabar | Site By : sobij
