प्रकाशित मिति : मङ्लबार, पुस २९, २०७६
सवारी दुर्घटनामा परि गायक निशान भट्टराईको मृत्यु भएको छ। सोमबार काठमाडौंको दरबारमार्गमा रहेको एक रेस्टुरेन्टबाट फर्किने क्रममा दुर्घटना परि घाइते भएका गायक भट्टराईको वीर अस्पतालको ट्रमा सेन्टरमा उपचारकै क्रममा मृत्यु भएको हो। उनी दरबारमार्गमा रहेको वान थाई रेस्टुरेन्टमा आफ्नो नियमित गायन प्रस्तुति सकेर घर फर्किने क्रममा दुर्घटनामा परेका थिए।
ट्राफिक प्रहरी प्रमुख एसएसपी भीमप्रसाद ढकालका अनुसार भट्टराईको कार तीनकुनेमा दुर्घटनामा परेको हो। उनी आफैंले चलाएको गाडी तीनकुनेमा पोलमा ठोक्किएको थियो। गम्भीर अवस्थामा उनलाई ट्रमा सेन्टर पुर्याइएको थियो। उपचारका क्रममा उनको मृत्यु भएको थियो।
© copyright 2016-2019 and all right reserved to jaljalakhabar | Site By : sobij
