प्रकाशित मिति : आइतवार, फाल्गुन २५, २०७६
काठमाडौं । काठमाडौंको तारकेश्वर नगरपालिका–२ मा शनिबार साँझ सरकारी गाडी दुर्घटनामा परेको छ ।
स्वास्थ्य मन्त्रलायको बा १ झ ६६५८ नम्बरको गाडी विदाको दिन पोलमा ठोक्किएको अवस्थामा फेला परेको हो ।
महानगरीय ट्राफिक महाशाखाका प्रमुख भीमप्रसाद ढकालका अनुसार गाडी कसको हो भन्ने खुलिसकेको छैन ।
सार्वजनिक विदा भएकाले चालक पनि सम्पर्कमा आएका छैनन् ।
‘सरकारी अड्डा खुलेको दिन चालकलाई कानून बमोजिम जरिवाना हुन्छ’, उनले अनलाइनखबरसँग भने ।
अत्याधिक मादक पदार्थ सेवन गरेर गाडी चलाएका कारण दुर्घटना भएको हुनसक्ने आशंका गरिएको प्रहरीले जनाएको छ ।
© copyright 2016-2019 and all right reserved to jaljalakhabar | Site By : sobij
