प्रकाशित मिति : बुधबार, बैशाख ३१, २०७७
दाङमा वडासचिव सवार मोटरसाइकलमा एक्कासि आगलागी भएको छ। दंगीशरण गाउँपालिका ५ का वडाध्यक्ष दीपक गौतमको मोटरसाइकल वडासचिव प्रेमप्रकाश चौधरी सवार थिए। रा१ब ७२५ नम्बरको १५० सिसीको पल्सर मोटरसाइकल वडासचिव चौधरीले तुलसीपुरको भ्याली पेट्रोल पम्म दोघरेबाट पेट्रोल हालेर वडा कार्यालय फर्कँदै थिए। वडासचिव चौधरीका अनुसार पेट्रोल हालेर पम्पदेखि केही पर गएपछि आगलागी भएको हो।
इन्जिन धेरै तातेर आगलागी भएपछि सवार वडासचिव मोटरसाइक छाडेर भागेका थिए। मोटरसाइकल पूर्ण रुपमा जलेर नष्ट भएको छ। पेट्रोल पम्प नजिकै आगलागी भएकाले समयमै दमकल र स्थानीयको सक्रियतामा आगो नियन्त्रणमा लिइएको थियो।
© copyright 2016-2019 and all right reserved to jaljalakhabar | Site By : sobij
