प्रकाशित मिति : सोमवार, जेष्ठ १९, २०७७
विराटनगर । विराटनगरमा रहेको पूर्वाञ्चल बाल सुधार गृहमा कैद भुक्तान गरिरहेका एक युवकको मृत्यु भएको छ ।
कर्तव्य ज्यान मुद्दामा सजाय भोगिरहेका ताप्लेजुङको मौवाखोला गाउँपालिका ४ घर भएका १८ वर्षका विनम साँवाको मृत्यु भएको हो ।
उनी मृगौला रोगी रहेको जिल्ला प्रहरी कार्यालय मोरङका डीएसपी मानबहादुर राईले बताए । शनिबार स्वास्थ्य समस्या देखिएपछि युवकलाई विराटनगरको नोबेल मेडिकल कलेजमा भर्ना गरिएको थियो । आइतबार बिहान उनको मृत्यु भएको हो ।
मृतक साँवा २६ पुसबाट पूर्वाञ्चल बाल सुधार गृहमा कैद भुक्तान गरिरहेका थिए ।
© copyright 2016-2019 and all right reserved to jaljalakhabar | Site By : sobij
