भारतका पश्चिम तटीय क्षेत्रमा निसर्ग चक्रवत आँधी आउने सम्भावना

काठमाडौं । दक्षिण पूर्वी अरब सागरमा हाल विकसित भइरेको निसर्ग आँधीको प्रभाव पर्न सक्ने भन्दै भारतीय अधिकारीहरुले सचेत रहन आग्रह गरेका छन् ।

यसैसाता यसको प्रभाव भारतमा पर्ने भन्दै उनीहरुले सुरक्षाका लागि घर बाहिर ननिस्कन सर्वसाधारणलाई आग्रहसमेत गरेका छन् ।

नयाँ चक्रवत विकास भइरहेको विवरणसँगै भारतीय मौसम पूर्वानुमान निकायले दुई दिन भीषण आँधीबेहरी, वर्षा र चट्याङ पर्न सक्ने चेतावनीसमेत दिएका छन् ।

निसर्ग नामको उक्त चक्रवत बुधबार अपरान्ह शक्तिशाली आँधी ९० देखि १०५ किलोमिटर प्रतिघण्टाको बेगमा तटीय क्षेत्रमा प्रवेश गनेृ भारतीय सञ्चारमध्यमहरुले जनाएका छन् ।

निसर्गले भारतको मुम्बई र गुजरात लगायतका शहरमा असर पु¥याउन सक्ने भन्दै सावधानी अपनाउन आग्रह गरिएको छ ।

आँधीको सम्भावित जोखिम कम गर्न ती राज्यहरुमा सुरक्षाकर्मी खटाइएको छ ।

एक साताअघि भारतको पूर्वी तटबाट सुरु भएको एम्फन आँधीको प्रभाव दुई साता पछि मात्र देखिएको हो ।

जसका कारण पूर्वी भारत र बंगलादेशमा ८५ जनाको मृत्यु भएको थियो ।

प्रभावित भनिएका राज्यका तल्लो तटीय क्षेत्रमा रहेका सर्वसाधारणलाई सुरक्षित स्थानमा लगिएको भारतीय सञ्चार माध्यमहरुले जनाएका छन् ।

कोरोना संक्रमणका कारण प्रभावित भएको भारतमा वर्षापछि बढ्न सक्ने मलेरिया, झाडापखाला लगायतका महामारी नियन्त्रणका लागि सचेत रहन अधिकारीहरुले आग्रहसमेत गरेका छन् । (एजेन्सी)