प्रकाशित मिति : शनिबार, साउन ३१, २०७७
चितवन । चितवनको भरतपुर कोभिड–१९ परीक्षण प्रयोगशाला २४ सै घण्टा संचालनमा आउने भएको छ ।
समुदायका व्यक्ति र अस्पतालमा कार्यरत चिकित्सकहरुमासमेत कोरोना संक्रमण देखिन थालेपछि सेवा चुस्त दुरुस्त बनाउन ल्याव २४ सै घण्टा संचालन गर्ने निर्णय भएको भरतपुर अस्पतालका अध्यक्ष डाक्टर भोजराज अधिकारीले जानकारी दिनुभयो ।
परीक्षणको दायरा वढाउने, स्वास्थ्य सल्लाहमा प्रभावकारीता ल्याउने र राज्यबाट जनताले पाउने सेवालाईसमेत अस्पतालले प्रभावकारी कार्यान्वयनमा ल्याउने जनाइएको छ ।
निजी अस्पतालहरुलाईसमेत कोरोना संक्रमितको उपचारका लागि २० प्रतिशत वेड छुट्याउन आह्वान गरीएको छ ।
चितवनलाई ७५ भेन्टिलेटर, १ सय ५० आइसीयु र ३ सय आइसोलेसन वेडको व्यवस्थापन गरिने भएको छ ।
भरतपुर महानगरपालिका भित्र कोरोना संक्रमितको संख्या ९९ पुगेको जनस्वास्थ्य अधिकृत दिपक सुवेदीले जानकारी दिनुभयो ।
© copyright 2016-2019 and all right reserved to jaljalakhabar | Site By : sobij
