प्रकाशित मिति : सोमवार, भदौ २९, २०७७
पर्वत । पर्वतको फलेवास नगरपालिका–४ मुडिकुवास्थित शिर्शुवामा पहिरोले घर पुरिँदा एक बालिको मृत्यु भएको छ ।
गए रातिदेखि निरन्तर परेको वर्षापछि खसेको पहिरोले स्थानीय नवीन विकको घर पुरिँदा उहाँकी तीन वर्षीया छोरी निकिता विकको मृत्यु भएको हो ।
परिवारका अन्य व्यक्तिहरु भने पहिरो खसिरहेको अवस्थामा भागेर बाँच्न सफल भएको फलेवास प्रहरी चौकीले जनाएको छ ।
१२ जनाको संयुक्त परिवार बसेको घरमा पहिरोले क्षति पु¥याएको हो । पहिरोले गोठ भत्किँदा स्थानीयका गाई, भैंसी र गोरुसमेत पुरिएका छन् ।
करिब एक सय रोपनी धानखेतमा पहिरोले क्षति पुगेको फलेवास नगरपालिका–४ का वडाअध्यक्ष टिकाराम गौडेलले जानकारी दिनुभयो ।
पहिरोले मध्यपहाडी लोकमार्गको पर्वतखण्ड अवरुद्ध भएको प्रहरीले जनाएको छ ।
© copyright 2016-2019 and all right reserved to jaljalakhabar | Site By : sobij
