प्रकाशित मिति : आइतवार, कार्तिक २३, २०७७
काठमाडौं । आज काठमाडौं उपत्यकासहित देशभरको तापक्रम एकदमै चिसो महशुस गरिएको छ । केही दिन अघिसम्म गर्मी महशुस गरिएको तापक्रम क्रमश घटेपछि चिसो बढेको हो ।
आइतबार काठमाडौं उपत्यकाको न्यूनतम तापक्रम ९ दशमलब ८ डिग्री सेल्सियस रहेको छ । दिउँसो भने तापक्रम केही बढ्ने देखिएको छ ।
आइतबार दिउँसो काठमाडौं उपत्काको तापक्रम अधिकतम तापक्रम २२ देखि २४ डिग्री सेल्सियसकाबीच रहने जनाइएको छ ।
आइतबार दिउँसो प्रदेश १, वाग्मती प्रदेश, गण्डकी प्रदेश, लुम्विनी प्रदेश तथा कर्णाली प्रदेशको पहाडी भू–भागमा आंशिक बदली रहने मौसम पूर्वानुमान महाशाखाले जनाएको छ ।
अन्य भू–भागमा मौसम सामान्यतया सफा रहनेछ । आज काठमाडौं उपत्यकाको मौसम आंशिक बदली हुने महाशाखाले जनाएको छ ।
आज बिहान सूर्योदय ६ बजेर २० मिनेटमा भयो भने सूर्यास्त साँझ ५ बजेर १५ मिनेटमा हुनेछ ।
© copyright 2016-2019 and all right reserved to jaljalakhabar | Site By : sobij
