प्रकाशित मिति : शुक्रबार, मंसिर ५, २०७७
दाङको तुलसीपुर मालपोत कार्यालयमा कार्यरत दुई कर्मचारीलाई घुससहित पक्राउ गरिएको छ ।
अख्तियार दुरुपयोग अनुसन्धान आयोग सम्पर्क कार्यालय नेपालगञ्जले मालपोतका नायब सुब्बा पुष्पराज गिरी र कार्यालय सहयोगी मिनराज गैरेलाई तीनलाख २० हजार घुससहित पक्राउ गरेको हो ।
जग्गा नाँपजाँच गरि पूर्जा बनाईदिने भन्दै सेवाग्राहीबाट घुस लिदै गर्दा शुक्रबार दिउसो साढे १ बजेतिर उनीहरुलाई पक्राउ गरिएको हो । अहिले उनीहरुलाई तुलसीपुरबाट नेपालगञ्ज लैजाने तयारी गरिएको आयोगका कार्यालय प्रमुख गणेश गैरेले बताए ।
यता कार्यालय प्रमुख नरेश खड्काले एक जना कार्यालय सहयोगी घुस लिने क्रममा पक्राउ परेको भनी जानकारी आएको भएपनि अन्य कुराको आफुलाई जानकारी नभएको प्रतिक्रिया दिए ।
© copyright 2016-2019 and all right reserved to jaljalakhabar | Site By : sobij
