प्रकाशित मिति : मङ्लबार, भदौ ३०, २०८३
नेपाली कांग्रेसका सभापति गगनकुमार थापाले भदौ १० मा आएको रसुवाको भोटेकोशी बाढीमा बेपत्ता भएकालाई मृत घोषणा गर्न १२ वर्ष कुर्नुपर्ने कानुनी व्यवस्था हटाउन बालेन्द्र शाह सरकारसँग माग गरेका छन्।
सामाजिक सञ्जाल एक्समा उनले भोटेकोशी बाढीले सयौँ परिवारका प्रियजनलाई खोसेको भन्दै बाँचेकाहरू पनि फेरि जीवन सुरु गर्न संघर्ष गरिरहेको बताए। बेपत्ता भएका व्यक्तिका परिवारले कुशको प्रतिमा बनाएर अन्त्येष्टि गरिसक्दा पनि मुलुकी देवानी संहिता, २०७४ को दफा ४० अनुसार व्यक्ति बेपत्ता भएको अवस्थामा मृत घोषणा गर्न १२ वर्ष कुर्नुपर्ने कानुनी बाध्यता रहेको उनको भनाइ छ।
रसुवा र नुवाकोट पुगेर फर्केलगत्तै आफूले यो विषय उठाएको थापाले स्मरण गराएका छन्। आफन्त गुमाउँदाको शोकमाथि राज्यका कानुनी अड्चनले पीडित परिवारलाई थप समस्या परेको गुनासो आफूले सुनेको उनले बताएका छन्।साथै, बाढीको तीन साता बित्दा पनि आधिकारिक तथ्यांक सार्वजनिक नहुँदा र राज्यका निकायका फरक-फरक तथ्यांकले पीडितलाई थप अन्योलमा पारेको उनले बताएका छन्।
© copyright 2016-2019 and all right reserved to jaljalakhabar | Site By : sobij
