प्रकाशित मिति : शनिबार, कार्तिक २७, २०७३
नुनको अभाव भइरहेको अफवाह फैलिएपछि महङ्गोमा बिक्री गरिरहेको अवस्थामा दुई जनालाई प्रहरीले पक्राउ गरेको छ ।
नेपालगन्ज–१४ असलम खाँ र नबिअहमद राईलाई पक्रा गरेको जिल्ला प्रहरी कार्यालयका प्रहरी निरीक्षक बीरबहादुर थापाले बताए । उनीहरुले रिक्सामा राखेर १८ रुपैयाँ पकेट पर्ने नुनलाई ३० रुपैयाँमा बिक्री गर्दै गरेको अवस्थामा पक्राउ गरिएको हो । उनीहरुसँग रहेको ५१ पकेट नुन बरामद गरिएको प्रहरीले जनाएको छ ।
नुन अभाव हुने भन्दै हल्ला फैलिएपछि नेपालगन्जवासीहरु नुन किन्न होडबाजी गरेका थिए । नुनको कालोबजारी बढेपछि स्थानीय प्रशानसनले सादा पोशाकमा प्रहरी तैनाथ गरेको छ । भारतमा नुन तस्करी हुनसक्ने भन्दै सुरक्षा सर्तकता बढाइएको बाँकेका प्रमुख जिल्ला अधिकारी रबीलला पन्थले बताए ।
नेपालगन्जस्थित साल्ट ट्ेरडिङ कम्पनी लिमिटेडका प्रमुख मनोज चौधरीले नुन अभाव नरहेको बताएका छन् । कम्पनीसँग हाल ६ हजार मेट्रिक टन नुन स्टक छ ।
© copyright 2016-2019 and all right reserved to jaljalakhabar | Site By : sobij
